Me rastin e 24
Qershorit, Ditën e Egjiptianëve në Kosovë, disa përfaqësues nga komuniteti janë
pritur nga Kryeministri i Republikës së Kosovës, Albin Kurti.
Në këtë takim ishte edhe kryetari i
IRDK-së Elbert Krasniqi i cili është edhe Ministër i Administrimit të Pushtetit
Lokal, Xhevdet Neziraj, Fazli Stollaj, Hysnije Berisha, Arjeta Shala, Aida Morina
dhe Valmir Rama. Në këtë takim u bisedua për pozitën e komunitetit egjiptian në
shoqëri.
Duke vlerësuar bashkëpunimin shumë të mirë
të deritanishëm, Kryeministri Kurti theksoi angazhimin e vazhdueshëm të
Qeverisë së Republikës së Kosovës për përmirësimin e gjendjes socio- ekonomike
të këtij komuniteti.
Kryeministri potencoi nismat e Qeverisë që
do të ndikojnë në rritjen e mundësive për edukim dhe punësim të komunitetit
egjiptian. Ai veçoi bursat për studime në Fakultet të Edukimit dhe në drejtime
të tjera të studimeve, si dhe hapin e rëndësishëm drejt realizimit të kuotës
për punësim në institucione, vendimin për krijimin e ekipit ndërinstitucional
për punësimin e komuniteteve.