Shoqëria e Kosovës, në periudhën pas vitit
1999, ka pësuar ndryshime të mëdha. Administrimi i Kosovës nga OKB dhe
Organizata tjera Euro Atlantike, migrimi i madh gjatë viteve ’90 e më herët dhe
faktor tjerë kanë ndikuar që shoqëria e Kosovës të emancipohet në frymën
Evropiane. Ndryshimet në shoqëri ndodhin duke ndryshuar individi, familja,
komuniteti e më gjerë. Një gjë që dihet për familjen në Kosovë është se në
familje ka qenë Zoti i shtëpisë dhe ‘robt’ e shtëpisë. Relacioni Zoti i shpisë
dhe Robt e shpisë ka ndryshuar shumë në frymën e emancipimit që ka ndodhur pas
vitit 1999. Ky relacion, në masë të madhe, as nuk ekziston sepse Zoti i shpisë
është Kryefamiljar dhe Robt e shpisë janë anëtarë të familjes. Tani kryefamiljar
është njeri prind, ndërsa anëtarë të familjes janë fëmijët e prindërve.
Po çka ishte zoti i shpisë?
Një arsye se pse duhet të rikujtojmë zotin e shtëpisë
dhe robt e shtëpisë është fakti se Veton Berisha, lider i PLE, e konsideron
veten si Zot shtëpi të komunitetit të tij dhe pjesëtarët e komunitetit i
konsideron si rob të tij. Këtë e ka potencuar ai vet shumë herë, pasi është
zgjedhur deputet, se Populli i tij tani ka Zot Shpie.
Për relacionin Zot shpie dhe Rob shpie e dimë
se:
Zot i shpisë ka vendosur gjithçka për robt e
shpisë, pa e marrë pëlqimin e tyre, p.sh.
- i ka fejuar e martuar djalin, vajzën, vëllain,
motrën e ndoshta edhe më larg, pa i pyetur ata,
- i ka caktuar punët që duhet t’i kryejnë robt
e tij,
- asnjë veprim i robve nuk është lejuar pa
izën e zotit të shpisë
- i ka dënuar dhe ndëshkuar robt e pa dëgjuar
etj.
Nuk ishin vetëm deklarata se tani deputeti i
zgjedhur është zot shtëpie, por mentaliteti i tij përfaqësues shkoj në
përputhje me deklaratat e tij. Ai gjatë gjithë periudhës së përfaqësimit është
sjellë si zot shtëpie, ndërsa pjesëtarët e komunitetit i trajtoj si rob. Nëse
një rob ka qenë i padëgjueshëm, ai e ka larguar nga partia e tij, nëse ishte
partiak, ose e ka shantazhuar e fyer, kur nuk ishte partiak i tij.
Për shkak të këtij mentaliteti, atij iu
larguan nga partia të gjithë intelektualët, të cilët pastaj i shndërroj në
armiq, njëjtë sikur ata që nuk ishin bashkuar në partinë e tij.
Këtë mentalitet përfaqësues nuk e hasim te
asnjë përfaqësues politik të komuniteteve tjera. Ky lloj mentaliteti
përfaqësues duhet të shkëputet me 6 tetor 2019 përmes votës. Ai nuk i meriton
as votat e familjes së tij.