Kuvendi i VIII-të zgjedhor i IRDK-së, dega në Istog, ka mbajtur mbledhje në të cilën janë zgjedhur strukturat drejtuese të kësaj dege në komunën e Istogut. Kryetari i deritanishëm i degës së IRDK-së në Istog, Abedin Neziraj ka përmendur zhvillimet kryesore në katër vitet e fundit sa e ka drejtuar këtë degë. Ai ka përmendur zvogëlimin e dallimeve politike, fitoren në dy palë zgjedhje parlamentare të mbajtura në vitin 2019 dhe 2021 dhe pakënaqësinë me rezultatin e zgjedhjeve lokale që u mbajtën në fund të vitit të kaluar. Ai falënderoj shumë të gjithë bashkëpunëtoret e Kryesisë së degës që punuan gjatë kësaj periudhe dhe kryetarin e IRDK-së për mirëkuptimin që ka treguar.

Përmes votimit të fshehtë, kryetar i degës së IRDK-së në Istog është zgjedhur Lush Çukaj, i cili deri më tani ka ushtruar pozitën e nënkryetarit të degës. Nënkryetar i parë është zgjedhur Valmir Rama, Nënkryetar i dytë është rizgjedhur Smajl Zikolli dhe Sekretare Organizative është zgjedhur Valbona Hajrizaj.

Kuvendi i VIII-të zgjedhor gjithashtu ka zgjedhur 15 anëtarë të Kryesisë dhe 15 delegatë të cilët do të përfaqësojnë degën e Istogut në Kuvendin e Përgjithshëm Zgjedhor.