Sot, me ftesë të kryetarit të IRDK-së, është mbajtur takimi i përbashkët i përfaqësuesve të partive politike që përfaqësojnë komunitetin Egjiptian dhe Ashkali: IRDK, PAI, PLE, PDAK dhe LpB. Në këtë takim është diskutuar për mundësinë e bashkëpunimit të këtyre subjekteve politike në zgjedhjet lokale që priten të mbahen në tetor të këtij viti. Të gjithë përfaqësuesit e këtyre subjekteve politike janë pajtuar që në ditët në vijim të provojnë të gjejnë modalitetet e bashkëpunimit në mënyrë që dallimet në mes partive të mos jenë shkaktar i mos përfaqësimit të komunitetit në nivelin komunal.

Të gjithë përfaqësuesit e partive janë dakorduar që të takohen me datën 15.06.2021 ku do të prezantohen qëndrimet lidhur me mundësitë e arritjes së një marrëveshje bashkëpunimi në zgjedhjet lokale.