Në 13 vjetorin e ndarjes nga jeta të Ibish Bajramit, kryetari i IRDK-së, Elbert Krasniqi me bashkëpunëtor dhe familjar, kanë bërë homazhe te varri i Ibish Bajramit.

Kryetari Elbert Krasniqi në këtë rast theksoi se 13 vite është periudhë e gjatë megjithatë kujtimet për Ibishin i kemi shumë të freskëta. Falë angazhimit të Ibish Bajramit me shokë, sot jemi në një situatë shumë të mirë si komunitet dhe si parti politike. 

Xhevdet Neziraj, një ndër bashkëpunëtorët më të ngushtë të Ibish Bajramit ka falënderuar gjeneratën e re që janë në krye të IRDK-së të cilët nuk po i harrojnë gjeneratën e vjetër dhe po udhëhiqen nga idealet e Ibish Bajramit.

Kumrije Bajrami, bashkëshortja e Ibish Bajramit falënderoj udhëheqësit e IRDK-së që në asnjë përvjetor nuk po e harrojnë Ibishin dhe idealet e Ibishin po i qojnë në vend.